BEKI-TUDE (attitude ng bakla)

ni: Darlene Hanna Potot

Bawat tao na nilikha dito sa mundong ibabaw, ay may kani-kaniyang pag-uugali. Mapababae, mapalalaki, mapabakla man o tomboy.. Ngunit kung ating susuriin, bakit nagugustuhan ng mas nakararami ang mga bakla? Ano bang meron sa kanila? Bakit sinasabi ng iba na masarap silang kasama?

Kapag naririnig natin ang salitang “bakla” naiisip agad natin ang mga pag-uugaling madada, maharot at palakaibigan. Kaya sila nagugustuhan ng karamihan, dahil pag sila ang  kasama mo buhay na buhay ka. Siguradong hindi ka mabobored kaya nga tinagurian din silang “THE ENTERTAINER” dahil hindi sila nauubusan ng sasabihing puro katatawanan. Ooops!! Wag ka nang mag-deny d’yan, sigurado naman akong kapag may kasama kang bakla laging nakalitaw mga ngipin mo, minsan nga’y nakikita na rin mga gilagid mo. Kadalasan din, kapag sila ang bida sa inyong usapan, ay napapaupo kana sa katatawa sasabihin mo pa nga “tama na, ang sakit na ng tiyan ko”. Iyan ang ilang dahilan kung bakit nakatatawa silang kasama.

Ngunit sa kabila nito, meron ding pag-uugali ang mga bakla na hindi kaaya-aya. Tulad ng pagiging prangka nila, sa pang-ookray nila. Para sa kanila biro lang pero minsan nakakasakit na sila ng damdamin. At isa pa sa mga ayaw ng iba sa ugali nila ay ang mga “mabibigat” nilang kamay. Mahilig silang mamalo dala ng emosyon nila sa pagkukwento at mahilig pa silang manabunot.

Sa ngayon, mawala man sa mundo ang mga bakla (na siyang imposibleng mangyari) ay hindi natin maikaka-ila sa ating mga sarili na tanggap sila sa lipunan, bagama't sinasabing di sila tanggap ng simbahan.